المساعد الشخصي الرقمي

مشاهدة النسخة كاملة : مداعبااات لفظية !!!!!!!!!!!!


شموخ إنسااان
2009-08-15, 08:39 PM
من اشهر الكلماااااااات السعوديه المضحكة
<كلمات عامية ..ومعانيها..

الدلخ : وهذاا إنسان غبي جداااا.ويرفع الضغط ....
وينرفز ....واكثر من يعااني منه المدرسين ....واهله.

المنسم : ذلك راجع إلى تهريب الهواء من رأسه والسبب في ذلك هو أن في رأسه (فتق) لذلك تلقاه دايم يغطس رأسه في سطل موية عشان يعرف من وين التنسيم

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

المشخر المخر أو أبو مشخر ! : من نفس فصيلة المنسم !

السلنتح : قليل الأدب + مايدري وين دمجته فيه . ( دمجته ) = راس مقعر بتشديد العين .

جحلط ( بتشديد اللام ) : وهم مرحلة متقدمة للسلنتح

مسفّح : يعني طاير في العجّة وهو ماعنده ماعند جدتي ,
يعني بالعربي الفصيح من جنب العارضة .

الستيمة : وهو الشخص اللي ماعنده ماعند جدة جدتي.!! ويصدق أي شيء يقال له!!

المسبة أو المسبوة : هو الشخص اللي يكون مروع (بتشديد الواو) أي مخوف في صغره لدرجة أنه يصبح شبه فاقد للعقل ...

الفاهي ::هذا الله يخلف مهما تقول له أو تصارخ عليه تلقاه فاتح فمه و بس
و إذا كلف عمره و تفاعل معك رد عليك و قالك هـــه ...

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!....

العلة :هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه......

العربجي :يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ
عند العرابجة ) وحاط مفاتيحه في سلسلة و لا بس نعال سجاديه و يسحبها
تسحيب لين جاء يمشي ودايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق ,,,,,,,(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاريه...

الزراق :يطلق مسمى الزراق على ذوي البشرة السمراء
ولأن ذوي البشرة البيضاء مساكين ما عندهم لقب احتجوا عند الأمم المتحدة مطالبين باللون الفضي ....

المرجوج :هذا ما عمره صلح شيء صح في حياته ما يمديك تفتح فمك إلا وهو طايرفي العجة بدون ما يفهم وش السالفة.والارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة .

المطفوق: من فصيلة المرجوج ...إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ولا تخليه يمر بجنبك وانت معك صينية فيها بيالات لأنه لازم يطخها بيده أو بكتف..!! ولاتخليه يصب قهوة لضيوف لأنه لازم يكب القهوة على ثوب واحد منهم..!!

السربوت : هذا اللي ما يخلي مكان ما يروح و قد كان الأولين يطلقون لقب السربوت على من يشرب الدخان لكن الحين الله يخلف الناس تدخن بيديها و رجليها ولاأحد يقول لهم شيء.

السمرمدي : وهو من نفس فصيلة السربوت.

الملكع :بتشديد الكاف .... أما هذا فيعرف حتى السكن(اي الجن ) و مقطع السمكة و ذيلها ومهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط :بتشديد العين....هذا مسوي نفسه يفهم في كل شيء وهو من جنب العارضة.

المصرقع :هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت :هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال التطنيش

الخكري :ببساطة الخكري = نعومة + دلع + ليونة والله لايبلانا...

اللزقه:هذا الشخص اللي على طول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهاكذا.

الزنبقي بتسكين النون وضم القاف) يعني العزوبي

الجنط : من فصيلت الدلخ.

عاشق الذكريات
2009-08-16, 05:05 AM
ههههههههههههههه
والله الموضوع حلـــو
الله يعطيك آلف عافيه
والله لا يحرمنا من مواضيعك المميزة والجميلة
تقبل مروري وتحياتي

شموخ إنسااان
2009-08-18, 12:44 AM
مشكووور أخوي عاشق على مرورك العطر

لميس
2009-08-26, 03:28 AM
http://www.sky-bramj.com/upload//uploads/images/1-7ec492efcd.gif

شموخ إنسااان
2009-09-01, 01:47 AM
مشكووووورة لميس على رورك

العبدلي نت
2009-09-01, 01:49 AM
مشكوووووووو ررررررر

على الكلام الاكثر من رائع

غزواني ساهر
2009-09-06, 02:31 AM
شـكــ وبارك الله فيك ـــرا لك ... لك مني أجمل تحية .

موفق بإذن الله ... لك مني أجمل تحية .